Саяхат

Бішкек: Көрші мемлекетке саяхаттағанда нені ескереміз

Бішкек – баруға оңай жерлердің бірі. Өмір салты да ұқсас, әрі жақын мемлекет. Balbal.kz мотивациялық сайты Қырғыстанға барғанда білу керек нәрсені назарларыңызға ұсынады.

Жатын орны

Пәтерлерді Booking.com арқылы жалдауға болады. Сонымен қатар көптеген жақсы және арзан жатақханалар бар. Жазда танымал туристік орындарда қырғыздар киіз үйлердің лагерін құрады.

Байланыс құралы

Қырғызстанда үш ұялы байланыс операторы жұмыс істейді: «O!» , «Megacom» және «Beeline». Апта сайынғы интернет пакеті шамамен 600 теңге.

Жол жүру, қыдыру

Бәрін көріп, алаңсыз қыдырудың ең ыңғайлы жолы – көлікті жалға алу. Егер сіз тауға баруды жоспарласаңыз, кроссовер немесе жол талғамайтын көлікті алған дұрыс. Орташа бағасы күніне 18 000 теңгедей болады.

Көлік жүргізу мерзімі кемінде үш жыл және халықаралық лицензиясы бар 25 жастан асқан жүргізушілер ғана автомобильді жалға ала алады.

Ал олай болмаса, такси ұстаңыз. Олар өте арзан. Жолдан ұстамасаңыз, 150, 152, 154, 156, 166, 182 немесе 188 нөмірлеріне тапсырыс бере аласыз. Сондай-ақ, таксиді бір күнге жалдауға болады. Күніне 1500-2000 сом.

9-14 орындық микроавтобустар да бар. Олардың бағасы 15-20 сомды құрайды. Қоғамдық автобустар мен троллейбустар 8-10 сом.

Тәуелсіздік алғаннан бері Бішкектегі көптеген көше атаулары өзгерді. Сондықтан кез келген мекенжайға барарда ескі мен жаңа атауды білу керек.

Дүкендер

Қырғыз сувенирлерін ЦУМ-да сатады. Бұл – Қырғызстан астанасының орталық әмбебап дүкені. Бішкектегі тағы бір танымал сауда орны – қызғылт және әсем Ош базары. «Дордой» базары түрлі тұрмыстық тауарларды, киім мен аяқ киімдерді сатады. Ал «Ақ Эмир» базарында жергілікті фермерлердің жаңа өнімдері: жемістер мен көкөністер, қымыз бен жұмсақ ірімшіктер, жылқы шұжықтары және басқалары сатылады.

Жоғары сапалы қолөнер бұйымдары,  «қалпақ», киізден жасалған кілемдер, ұлттық киімдер Kyrgyz Style дүкенінде жинақталған.

Көрнекі жерлері

Ала-Арча

Ала-Арча – Бішкектен 40 шақырым жерде орналасқан Қырғызстанның мемлекеттік табиғи паркі. Ол қырғыз жотасының солтүстік беткейлерін алып, Ала-Арчин шатқалына дейін созылады. Аудан саябақтан оңтүстіктен солтүстікке ағатын өзен атауын алған.

Тогуз-Булак

Тогуз-Булак кешені Бішкек қаласынан бірнеше шақырым жерде. Ол теңіз деңгейінен 1900-2298 м биіктікте орналасқан. Қыста демалып, адреналин алатын жер.

Қырғыз мемлекеттік тарихи мұражайы

Қырғыз мемлекеттік тарихи мұражайы Орталық Азиядағы ең үлкен экспозициялардың бірі. Оның көптеген коллекциялары бүкіл адамзаттың мұрасы болып саналады және ерекше құнды мәдени мұралар тізіміне енеді. Сондықтан туристер оларға көп көңіл бөледі.

Ала-Тоо

Қырғызстан астанасының басты алаңы. Шамамен 90% жартасты жоталардан тұрады. Ала-Тоо ортасында 45 метрлік тірек орналасқан. Қоғамдық және мемлекеттік мерекелер өтетін танымал орын.

Емен паркі

Бішкек қаласының орталығындағы ең ежелгі парктің бірі. Негізі 1890 жылы қаланған. 2010 жылы саябақ атауы Шыңғыс Ахматовтың құрметіне өзгертілді, бірақ тұрғындар оны ескіше атағанды ​​жөн көреді.

«Эркиндик» галереясы

Бұл жерден жергілікті суретшілердің түрлі-түсті суреттерін көруге болады. Егер қаласаңыз, кез-келген жанрдың жаңа кескініне тапсырыс бере аласыз. Дегенмен, сатып алудың қажеті жоқ. Қылқалам шеберлерінің жұмысын қарап шығудың өзі қызықты. Бұл – туристік жер. Сондықтан бағалар өте жоғары.

 

Тег
Көбірек көру

Оқи отырыңыз

Close

Тегін бизнес консалтинг

Balbal.kz материалдарын email-ға жіберіп отырамыз. Тек сала/тақырып таңдап әр 5 күн сайын e-mail-ды тексеруді ұмытпаңыз!