Starbucks — әлемдегі ең ірі кофехана. Оның елу жылдық тарихы — кішігірім дүкеннен бүгінде бүкіл әлемге әйгілі бизнес-империяға дейінгі жол. Balbal.kz мотивациялық сайты кофехананың брендке айналу жолы туралы материал дайындады.
Алғашқы қадамдар
Кофеге деген сүйіспеншілік Сан-Франциско университетін бітірген үш досты біріктірді. Жазушы Гордон Боукер, тарих және ағылшын тілі мұғалімдері Зев Сигл және Джерри Болдуин ортақ кәсіп ашуды көздейді. Үшеуі 1300 доллардан жиналады. Ол ақша жеткіліксіз болғандықтан, несие алады. 1971 жылдың наурызында Сиэттлде шағын дүкен пайда болды. Онда олар сапалы кофе дәндерін және оны дайындайтын құралдарды сатады. Осылайша қаладағы алғашқы кофехана ашылады.
Starbucks-тің негізін қалаушылар Peet’s Coffee-дің иесі Альфред Питпен бірігіп жұмыс істейді: олар одан кофе дәндерін сатып алып, қалай қуыруды және дұрыс таңдауды үйренеді. Содан кейін Гордон, Зев және Джерри кофені тікелей жеткізушілермен жұмыс істеуды жөн көреді. Сол уақыттан бастап достар өздерінің мейрамханаларын құрып, кампуста екінші дүкенді ашады. Көп ұзамай фирмалық өнімдердің каталогы шығарылып, пошта арқылы тапсырыс саудасы басталады. 1979 жылы Peet’s Coffee-ді сатып алып, өздері дайындайтын болды.
Неге Starbucks деген атау берілді?
Starbucks-ті жасаушылар шығармашыл адамдар болғандықтан компанияның атауы Герман Мелвиллдің «Ақ кит» романымен тікелей байланысты.
Ақ китті қуып шыққан кейіпкер Старб құрметіне кофехана осылай аталды.
Логотип
Кофеханың алғашқы логотипінде екіқұйрықты су перісі бейнеленді. Кейіннен логотиптің өзгеруіне байланысты су перісінің бейнесі де өзгеріп отырды. Су перісі матростарды қызықтырады деген оймен қойылған.
Алғашқы жеңіс
Старбакстың жетістігі Ховард Шульц есімімен тығыз байланысты. Оны компанияны құрушылар кәсіптерін дамытуға көмектесу үшін жұмысқа алады. Кейіннен үш дос қиындыққа төтеп бере алмай, Старбаксқа Ховард иелік етеді. Осы дарынды кәсіпкердің жетекшілігімен Starbucks кофе желісі бүкіл әлемді жаулап алды.
Шульц Миланға сапар шеккен кезде итальяндық кофеханаларға ғашық болады. Кейіннен ол Америкада тек кофе дәнін сатпай, оны әзірлейтін осы бір тәжірибені қайталағысы келеді. Алайда бұл идея қолдау таппайды. Осыдан соң Шульц Старбакстан кетеді де, Gionale кофеханасын құрады. Екі жылдан кейін Starbucks-ты сатып алады.
Сонымен әйгілі компанияның алғашқы кофеханалары Сиэттлдің сыртында, Чикагода, Ванкуверде ашылды. Қазіргі таңда әлемнің 75 елінде 29 мың сауда орны бар.
Компанияда 135 мыңнан астам адам жұмыс істейді.
Жетістікке жету қағидасы
1. Жайлы атмосфера
Бастысы — кофе емес
Адамдар Starbucks-ті кофесі үшін ғана емес, компанияның бүкіл тарихы бойында ұстап тұра алған ерекше атмосфера үшін жақсы көреді.
Музыка
Барлық қалада орналасқан мейрамханада бір мезгілде бірдей музыка ойнайды. Сіз Алматыда тыңдап отқан әнді Нью-Йорк, Сиэтл және әлемнің басқа да қалаларындағы қонақтар дәл осы әуенді естиді.
Орналасу ерекшелігі
Компания үшін клиенттердің күн сәулесінен рахаттануы өте маңызды. Сіз алдыңғы есігі солтүстікке қарайтын бірде-бір Starbucks кофе-дүкенін таба алмайсыз. Есік әрқашан оңтүстікке немесе шығысқа бағытталған.
2.Маркетингтік стратегиялар
Брендті жылжыту үшін маркетологтар қарапайым, бірақ қызықты әдістер ойлап табады. Олардың бірі — қолды күйдірмеу үшін қағаз шыныаяқтың үстіне киетін гофр картоннан жасалған сақина.
Тағы бір «ерекшелік » — кофеханалар желісінде бірнеше жылдан бері сатылып келе жатқан әйгілі Starbucks термо кружкалары.
3.Бай меню
Бүгінгі күні Starbucks кофеханаларында кофенің тек таңдаулы сорттары ғана емес, сонымен қатар қосымша ассортимент — түрлі сироптар мен шайлар, десерттер де бар.
Дайындаған : Қырмызы Скендирова
