Жөндеу жұмысымен айналысатындарға керек сервистер

Жөндеу жұмысына кіріскен кезде мұқият болу керек. Кететін қаржы, әдемілігі мен сапасы – бәрі маңызды. Жаңа пәтерді жобалауды өзіңіз бастау үшін мобильді қосымшаларды қолдануға болады. Осы қосымшалардың көмегімен сіз көптеген дайын жобалармен таныса аласыз.

ПРОраб Free

Құрылыс, безендіру немесе жөндеу кезінде есептеулерге көмектесетін пайдалы қосымша. Осының арқасында сіз бөлменің ауданын, гипсокартон мен кірпіштің қажетті мөлшерін және оның құнын, тақтайшалар мен желімнің санын, тұсқағаз орамдарының санын, ламинат мөлшерін есептей аласыз.

Сондай-ақ, оның көмегімен сметасын есептей аласыз. Бағдарламаның толық нұсқасы барлық есептеулерді файл түрінде сақтауға немесе пошта арқылы жіберуге мүмкіндік береді.

Дизайнер интерьера для ИКЕА

Бұл қосымша пәтердің ұқыпты сызбасын, бірнеше қабатты үйлердің схемаларын және бөлмелердің интерьерлерін салуға мүмкіндік береді. Мұның бәрін 2D бағытта жасай аласыз және бөлшектерді 3D форматында реттей аласыз. Үш өлшемді модельді Google Cardboard бас киімі арқылы VR режимінде де көрсетуге болады.

Жиһаз бен интерьер заттар IKEA каталогтарынан алынған. Дайын жобаларды сурет түрінде сақтауға болады, бөлек файлға да жазуға болады.

Planner 5D

Жоғарыда көрсетілген қосымшаның ұқсас аналогы. Айырмашылығы – мұнда басынан бастамау үшін негіз ретінде демо-жобаларды алуға болады. Дизайн параметрлері жоғарыдан немесе үш өлшемді бағдарда қол жетімді. Бірақ сервистің тегін нұсқасында интерьер элементтері мен жиһаздар көп емес. Сатып алуға тура келеді.

Кухонный конструктор

Ас үй жиынтығын жобалау үшін қолданылатын қарапайым қосымша. Онда сіз бұрыштық немесе тіке ас үй жиһаздарының модулдерін таңдай аласыз. Оларды өлшемі мен орналасқан жеріне қарай реттейсіз. Параметрлерде қасбет, үстел, қабырға, платформаға арналған текстураларға және басқа бөлшектерге арналған көптеген нұсқалар бар.

Roomle

Бұл жиһаздар мен үй декоры заттарының үлкен каталогы. Сіздің интерьеріңізге не және қалай сәйкес келетіні туралы нақты түсінік береді. Барлығы іс жүзінде қалай болатынын көру үшін «живьем» батырмасын басасыз. Бөлмені фотоға түсіру керек болады.

Таңдалған элементті жылжытуға, орнын ауыстыруға болады. Бұл орындық, жаттығу аппараты, сөре, гүл немесе тіпті еден жабыны болуы мүмкін.

Houzz

Бұл қосымша дайын дизайн жобалардың бірнеше жинағымен бөліседі. Әр жоба авторымен байланыса аласыз. Жиһаз, декор заттары, үй және бақша өнімдерінің кең каталогының бағалары және сауда сайттарына сілтемелер көрсетіледі.

Эскиздердің көмегімен сіз жазбалар қалдыра аласыз, интерьер бөлшектерін бөліп ала аласыз. Осы өңдеулерді әлеуметтік желі, пошта және жедел хабарламаларды қолдана отырып жіберуге болады. Осылайша сіз болашақ жобаның егжей-тегжейін талқылап, дизайнермен қашықтықтан байланыс жасайсыз.