Саяхат

Рим жайлы қызықты деректер

Рим – Еуропадағы ең ежелгі қалалардың бірі, оның негізі біздің дәуірімізге дейінгі 735 жылы қаланған. Мәңгілік қаланың туған күні жыл сайын 21 сәуірде тойланады. Бұл күні Италияның астанасына әлемнің барлық бұрышынан туристер жиналады. Римдіктер қаланың ортасында от шашу ұйымдастырып, дүркіретіп атап өтеді. Бұл күні Римдегі көптеген мұражайға кіру тегін болады.

Балбал порталы «Әлемге саяхат» айдарын әрі қарай жалғастырып, Рим жайлы қызықты деректерді ұсынады.

  • Ертеректе Римде әйелдер аз болған. Римнің негізін салушылардың бірі Ромул көрші тайпаның қыздарын ұрлап, елге әкелетін болған. Ең әдемілері римдік сенаторларға берілген.
  • Италияда 13 санымен қатар 17 саны көпшіліктің қорқынышын тудырады. Мұның мәні ежелгі римдіктердің IVXI жазуларынан қалса керек. Бұл «Мен өмір сүрдім» немесе «Менің өмірім аяқталды» деген мағынаны береді.
  • Рим – өзінің жерінде басқа егемен мемлекет орналасқан әлемдегі жалғыз қала. Ватикан әлемдегі ең кішкентай мемлекет ретінде де мәлім.
  • Әлемдегі ең үлкен шіркеу Ватиканда орналасқан. Бұл – Әулие Петрдің насыбайгүл шіркеуі.
  • «Барлық жол Римге апарады» тіркесі біздің дәуірімізге дейінгі төртінші ғасырдың соңында римдіктердің өз империяларында 53 мың миль жол салуынан қалған. Римнің әр милі 1450 метрге тең.
  • Римді билеген алғашқы он бес патшаның ішінде тек Клавдий ғана ер адамдармен жақын қарым-қатынаста болмаған. Бұл олар үшін ерекше жағдай болған. Тіпті сол замандағы жазушылар мен ақындар оны «әйелдерді ғана сүйіп, Клавдий да әйелтектес болып кетті» деп мазақ қылған.
  • Ежелгі римдік әйелдердің жеке есімдері болмаған. Олар туған жеріне байланысты есімдер алып отырған. Егер бір үйде бірнеше қыз болса, оларға реттік нөмір берілген. Мысалы: Сегунда (екінші), Терция (үшінші), т.б.
  • Рим императоры Веспасиананың ұлы әкесінің қоғамдық дәретханаларға салық салғанына қарсы болады. Сонда император салықтан түскен ақшаны көрсетіп, иіс шыға ма деп сұраған. Сонда баласынан ешқандай иіс шықпайтынын естіп, Веспасиан ұлына: «ал олар дәреттен келген ақша ғой» деп айтқан. Осы кезден бастап «Ақшада иіс болмайды» деген тіркес тараған.
  • Римдегі мүсіндер, ғимараттар, тастар мен құдықтардан SPQR деген жазуды байқауға болады. Бұл – senatus populusque romanus деген сөз. «Сенат және Римнің адамдары» деген мағынаны білдіреді.
  • Неке қиған кезде екі жастың сүйісуі Римнен басталған. Ол кезде оның мәні басқа болған: неке қию – келісімшарт ретінде қаралса, ал сүю – келісімді айқындайтын мөр болған.
Тег
Көбірек көру

Оқи отырыңыз

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Close