Таным

Taplink – инстаграмды бутикке айналдыратын сервис

Taplink деген не өзі?

Taplink.ru – мультисілтеме жасауға арналған сервис. Оны қолдана отырып, лендинг парақшаңызды өз қолыңызбен жасай аласыз. Balbal.kz мотивациялық сайты инстаграм арқылы табыс тапқысы келетіндерге таплинк сервисі туралы материал дайындады.

Таплинк не үшін керек?

Клиентке сізбен байланысудың ыңғайлы әдісін таңдап, тікелей Instagram-да тауарлар мен қызметтерге ақы төлеуге мүмкіндік береді;

Бірнеше белсенді сілтемелерді біріктіреді;

Профильдегі көп орын алатын сипаттамаларды жояды;

Визит парақшасы немесе лендинг жасауға мүмкіндік береді;

Әлеуметтік желілердегі трафикті оңтайландырады.

Таплинг қалай жасалады?

1-қадам. Тіркелу

Ол үшін Taplink ресми веб-сайтына өтіп, «Қазір көріңіз» түймесін басыңыз Taplink «INSCALE7» жарнамалық кодын енгізуді ұмытпаңыз. Осы арқылы 7 күнге барлық функцияны қолдану бонусын аласыз.

Әрі қарай Instagram логині мен құпия сөзді енгізіп, пайдаланушы келісімін қабылдаңыз.

Тіркелгеннен кейін сервистің басты беті пайда болады. Бұл жерде мультисілтемелерді дұрыстайсыз. Парақшаның жоғарғы оң жақ бұрышында Taplink-ке кірген аккаунттың профильдік суреті көрсетіледі. Оның сол жағында қызметтің бөлімдері бар:

Парақша — блоктарды қосу және редакциялау үшін;

Статистика — белсенділікті бақылау;

Тапсырыс — тұтынушылар қалдырған тапсырыстарды қарау;

Тауарлар — тауарлар көрмесін құру және редакциялау үшін;

Модульдер — CRM немесе төлем жүйелерін қосу, әлеуметтік желілермен біріктіру үшін;

Параметрлер — парақшаның дизайнын өңдеуге арналған.

Парақша бөлімінен бастап редакция жасауды бастаңыз.

2-қадам. Тегін функцияларды орнату

Барлық пайдаланушыларға ақысыз негізде берілетін негізгі функцияларды қарастырыңыз. Кейін тариф қондыру арқылы ақылы функцияларды енгізе аласыз.

Аватар

Аватар инстаграмның негізгі профилінен автоматты түрде жүктеледі. Фотосуреттің өлшемін қалауыңыз бойынша таңдауға болады.

Мәтін блогы

Параққа мәтін қосу үшін «Жаңа блок қосу» түймесін басыңыз. «Мәтін блогы» бөлімін таңдаңыз.

«Мәтін» өрісіне қажетті ақпаратты енгізіңіз. Мөлшерін таңдаңыз және екі жағын түзетіңіз.

Сілтемелер

Сілтемені дұрыс қосу үшін «Жаңа блок қосу» — «Сілтеме» түймесін басыңыз. Бірінші жолға қара ірі шрифтпен тақырыпты енгізіңіз.

Екінші жолға — тақырыпша (нақтылау, лид). Төменде сайтқа сілтеме қойылады.

Сілтемені өңдеген кезде «Параметрлер» бөлімі арқылы жарияланатын уақыт пен құпиялылықты орната аласыз.

«Модульдер» қосымша бетінде әртүрлі көмекшілер қосылады: әлеуметтік желілер, CRM жүйелері, Яндекс.Метрика. Олардың көпшілігі ақылы тарифтерде ғана қолжетімді.

Сілтеме жарияланғаннан кейін «Статистика» бөлімі арқылы парақшаға кіргендер саны көрсетіледі. Статистиканы бір күн, апта және ай деп бөліп қарауға болады.

 Сұрақтар/жауаптар блогын қосу

«Жаңа блокты қосу» — «Сұрақтар мен жауаптар» түймесін басыңыз. Сұрақты «Тақырып» жолына, ал жауапты «Мәтін» жолына енгізіңіз.

Басқа сұрақ қою үшін «Жаңа элемент қосу» көк белсенді жазбасын басыңыз.

 Блоктардың визуалдылығы

Барлық қажетті элементтер қосылған кезде блоктардың арасына шегініс қоюға болады. Ол үшін «Жаңа блок қосу» — «Бөлгіш» түймесін басыңыз. Шегініс шағын, орта немесе үлкен болуы мүмкін.

Тарифтер

Таплинк үш тарифті ұсынады және олардың әрқайсысының өз функциялары бар. Тариф 3 ай, 6 ай және 1 жыл үшін төленеді.

Basic

Тегін тариф. Мәтін, сілтемелер, шегіністер, сонымен қатар сұрақ/жауап блогымен жұмыс істеуге мүмкіндік береді. Құрамында түрлі-түсті дайын схемалар бар.

Тек жалпы статистика қолжетімді болады. Сіздің шағын лендингіңіздің белсенділігін қарай аласыз. Егер парақшада өзіңіз туралы қысқаша ақпарат және клиенттермен сізбен сөйлесу үшін байланыс орнатқыңыз келсе, бұл тариф жеткілікті.

 Pro

Бұл BASIC тарифінің барлық функциясын қамтиды. Сонымен қатар өзіңіздің қалауыңыз бойынша немесе брендтің корпоративті сәйкестігі үшін парақшаны безендіру, әлеуметтік желілерге сілтемелер, суреттер, бейнелер, карталар карусельдерін және т.б. қосуға мүмкіндік береді.

Сонымен қатар мұнда әр сілтеме бойынша статистикаға қол жетімді. Егер брендбук жалпы ережелерін ұстансаңыз және басқа әлеуметтік желілерде белсенді позицияны ұстансаңыз, осы тариф қолайлы болады. Бір жыл үшін қолдану ақысы – 1080 рубль (6480 теңге)

Business

Ол PRO тарифінің барлық функцияларын қамтиды. Сізге инстаграм платформасында өнім карталарымен және төлемдерімен толыққанды интернет-дүкен құруға және кері санақ таймерімен жарнамалық парақ құруға мүмкіндік береді.

Егер сіздің Instagram аккаунтыңыздың басты мақсаты — сатылым болса, осы тарифті таңдауыңызға болады. Бір жылдық қолдану ақысы -3480 рубль (20880 теңге)

Хабарлама батырмаларын қосу

«Жаңа блок қосу» — «Хабарламалар» түймесін басыңыз. Қалаған хабаршылардың жанындағы жасыл «Иә» индикаторын қосыңыз.

Хабарламаны таңдаған кезде параметрлер терезесі ашылады. «Сілтеменің тақырыбы» жолына батырмада пайда болатын тақырыпты енгізіңіз.

«Мәтіндік хабарлама шаблоны» бөліміне хабарлама алмасу батырмасын басқан кезде автоматты түрде шығатын сөйлемді енгізе аласыз.

Бейнені жүктеу

«Жаңа блокты қосу» — «Бейне» бөлімін нұқыңыз. Сілтемені бейнеге қойыңыз. Параметрлерді реттеңіз: бейненің автоматты ойнатылуын орнатып, басқару элементтерін жасыра аласыз (тоқтату, кідірту, кері айналдыру).

«Параметрлер» бөлімінде бейнені көрсету кестесін орнатуға және құпиялылықты өңдеуге болады.

Сурет каруселін салу

«Жаңа блок қосу» — «Сурет каруселін» нұқыңыз. «Фотоны жүктеу» түймесін басыңыз.

Бірнеше суретті қосу үшін «Жаңа слайд қосу» батырмасын басыңыз.

Суреттерге тест сипаттамасын немесе сыртқы сілтемені қоса аласыз. Ол үшін кескінді жүктеу формасының астындағы индикаторды қосыңыз.

Өтініш беру формасы

«Жаңа блок қосу» — «Форма және төлемдер» басқышын басыңыз. Формаға «Аты» және «Электрондық пошта» екі міндетті өрісі кіреді. Егер сізге клиенттің басқа деректері қажет болса, оны «Өрісті қосу» жолын қосасыз.

«Төлемді қабылдау» қосымша парағында сіз ақша қаражатын алуға мүмкіндік бере аласыз. Тауардың бағасын, валютасын және төлем мақсатын көрсете аласыз.

Өнімдерді қосу

Қызметтің басты бетінің тақырыбындағы «Өнімдер» қойындысын нұқыңыз. «Жаңа өнімді қосу» түймесін басыңыз.

Өнім картасын толтыру: өнімнің атауы мен сипаттамасын, құны, жеткізу опциясы, суреттерді жүктеу.

Мұнда «Ескі баға» жолағын толтыру арқылы тауарға жеңілдік көрсете аласыз, сонымен қатар белгілі бір санатқа / коллекцияға тағайындай аласыз.

«Опциялар» қойындысында өнімнің әртүрлі нұсқаларын орната аласыз. Мысалы, егер сіздің өніміңіздің өлшемі, түсі немесе басқа да сипаттамалары әртүрлі болса, сіз осы комбинацияны осы бөлімде көрсете аласыз.

«Опциялар» қойындысында өнімдердің тізімін жасай аласыз. Мысалы, ұялы телефондарды сатсаңыз, қақпақтарды, құлаққаптарды және т.б. ұсына аласыз.

Дайындаған: Қырмызы Скендирова

Тег
Көбірек көру

Оқи отырыңыз

Close

Тегін бизнес консалтинг

Balbal.kz материалдарын email-ға жіберіп отырамыз. Тек сала/тақырып таңдап әр 5 күн сайын e-mail-ды тексеруді ұмытпаңыз!