Біліп жүр

AIDA формуласы — жарнамалық мәтін

AIDA формуласы бойынша мәтін жазыңыз

AIDA формуласын жарнамаңыз өтімді болу үшін қолданып көру керек. Оны коммерциялық журнал не газет, теле-радио хабарландыру не хаттамаға қосуға болады. Ендеше Balbal.kz мотивациялық сайты AIDA формуласы бойынша жарнама жасап көруге кеңес береді.

AIDA деген не?

A — Attention (назар аудару);

I — Interest (қызығушылық);

D — Desire (қалау);

A — Action (әрекет).

Қалай бастау керек?

Бұл әдісті қолдану үшін бірінші мақсатты аудиторияны анықтау керек.

Мақсатты аудитория дегеніміз – сол салаға қызығатын көпшілік.

Соларға не керегін түсіну керек.

Сіздің бизнесіңіз 30-55 жас аралығындағы ерлі-зайыптыларға арналған би студиясы делік. Студия одан бөлек бал биінен халықаралық байқауларға дайындайды. Бірақ негізгі табыс көзі — биге хобби ретінде баратын жұптар.

Сіз осындай жұптардың электрондық поштасы мен мекен-жайы бар дерекқорды сатып аласыз. Таргет жарнамасы мақсатты аудиторияға бағытталады. Айта кететін жайт, бұл СПАМ емес, ол мекенжай және пошталар дерекқорын сататын заңды бизнес түрі. Ресейдегі электрондық пошта трафигінің ең ірі жеткізушісі — Subscribe.ru.

Мақсатты аудиториямен жұмыс

AIDA моделін жарнамалық тәжірибеде қолданбас бұрын жоғарыда аталған жұптардың биге не үшін баратынын түсіну керек.

Шақыртулар келесідей болуы керек: сынақ сабағына тегін қатысу; сайтқа кіру, т.б.;

Негізгі ұсыныс — бар болғаны 25 долларға ең жақсы оқытушымен бір сағаттық жеке сабақ. (кәдімгі бағасы — 100 доллар). Осы негізгі ұсыныстан кейін адамдар биге баруға бел буады.

Шамамен жартысы апта сайынғы сабақтарды жалғастырады. Туыстары мен таныстарына кеңес береді. Ерлі-зайыптылар басқа жұптарды сабаққа шақырады. Ал 5%-ы расымен сол саладан жетістікке жетіп, бар күшін салатын премимум клиенттер болады

AIDА формуласының құрылымы

Назар аудару

Сіз клиенттерге хат жібердіңіз. Енді ол сол хабарламаны ашқаны маңызды. Жіберілген мәтіннің алғашқы сөйлеміне назар салыңыз. Оқырман оған қызығып, назар аудару керек.

Мақсатты аудитория — 35-55 жас аралығындағы әйелдер. Оларды не қызықтырады? Биден жарыс? Жоқ. Жұбайыңызбен қарым-қатынас. Иә.

Назар аудару үшін: «Сіз қарым-қатынасыңызды жаңа деңгейге көтергіңіз келе ме?» деген сөйлемнен бастағаныңыз жөн. Немесе: «Ерлі-зайыптылар сезімдерін нығайту үшін не істеді?» деп қызықтырыңыз.

Қызығушылық

Сіз оқырман назарын аударғаннан кейін басты ақпарат беріңіз. Мұнда би курсына барып, қарым-қатынасы жақсарып кеткен ерлі-зайыптылар оқиғаларын мысалға келтіре аласыз. Би курсы не үшін керек екенін көрсету керек.

Жоғарыда келтірілген мысал кей клиенттерді ғана қанағаттандырады, ал қалғаны салғырттық танытады. Себебі олардың мәселелері одан да қиынырақ. Онда хабарламаны әсерлі етіп беріңіз. Мысалы: «Күйеуіңіз сізді жақсы көрмей ме? Онда биші болыңыз!». Мұндай сөздер әйел затына әсерлі болады. Енді би үйрену клиенттердің қарым-қатынасын қалай жақсартатынын түсіндіріңіз.

Қалау

Сіздің ұсынысыңыздың басқалардан артықшылығын көрсетесіз. Биге қатысатын ерлі-зайыптылар мен билеп көрмеген жұптарды салыптырып, негіздейсіз.

Осыдан кейін дәлелдемелер керек. Бұл жағдайда кемінде үш жұптың пікірлерімен бөлісіңіз. Мұндай пікірлерден кейін оқырманның сенімі артады.

Әрекет

Сіз клиентті тарта білдіңіз. Енді одан айырылып қалмау керек. Сондықтан жиі айтылатын сылтаулар мен қарсылықтарды алдын-ала біліп, оларға жауап тауып қойыңыз. Әйел адам бас тарта алмайтын  ұсыныс тастау керек. Жеңілдіктер тек белгілі уақытқа дейін екенін айта кеткен жөн. Біздің жағдайда ұсыныс — сағатына 25 долларға нұсқаушымен билеу сабақтары.

Сіз алғашында ер адамдар ынтасыз баратынын, ал курс соңында залдан шықпай қоятынын ескертіңіз. Нұсқаушының би жарыстарындағы жүлделері, жеткен жетістіктерін атап өткеніңіз жөн.

Тағы бір ұсыныс: «25 долларға бір сағаттық сабаққа қатысқан кезде, жақын маңдағы мейрамханадан 25 долларға сертификат беріледі. Би билегеннен кейін романтикалық кешті жалғастырып, мейрамханаға бара аласыз» деу.

Әрекетке шақырамыз! Оқырманға келесі қадам жасау үшін одан не талап етілетінін ұмытпаңыз. Осы талаптарға сүйене отырып, жеке жарнама стратегиясын түзетіңіз.

Дайындаған: Қырмызы Скендирова

Тег
Көбірек көру

Оқи отырыңыз

Close

Тегін бизнес консалтинг

Balbal.kz материалдарын email-ға жіберіп отырамыз. Тек сала/тақырып таңдап әр 5 күн сайын e-mail-ды тексеруді ұмытпаңыз!