Интернет-эквайринг – XXI ғасырда сұранысқа ие төлем жүйесі. Қазіргі таңда банк қызметтері төлемді ғаламтор арқылы қабылдауды жедел дамытып жатыр. Оның басты ерекшелігі – 24/7 төлем жасау мүмкіндігі.
Интернет-эквайринг деген не?
“Эквайринг” термині ағылшын тілінен аударғанда “сатып алу, тұтыну” деген мағынаны білдіреді. Қарапайым тілмен айтқанда интернет-эквайринг – қолма-қол ақшасыз, несие картасымен төлем жасау мүмкіндігі. Эквайрингтің дамуы мен технологиялардың жаңғыруы өзара тығыз байланысты. Бұл функцияның сұранысқа ие болу себебі – қолма-қол ақшаны пластикалық карталарға оңай алмастыра алатынында.
Онлайн жұмыс істеу техникасы:
- Тапсырыс берушінің тапсырысы сайтта рәсімделген соң, төлем картасына ауысады. Бұл жердегі бос орынға карта нөмірі, жарамдылық мерзімі, аты-жөні және CVV2/CVC2 кодтарын теру керек;
- Сайттағы төлем жүйесі барлық ақпаратты тапсырыс алушыға дер кезінде жеткізеді;
- Тапсырыс алушы ақпараттарды банк-эквайеріне жібереді. Әдетте, тапсырыс қабылдаушы тарап үдерісті жеделдету үшін бірнеше банк-эквайерімен келісімге отыруы шарт;
- Банк-эквайер өтінішті ұсынылған картаның халықаралық қызмет көрсету орталығына (мысалы, VISA, MasterCard) ұсынады;
- Қызмет көрсету орталығы картаның жұмыс істейтін/істемейтінін тексеріп, банк-эквайеріне жауап қайтарады;
- Банк-эквайері тапсырыс алушы тарапқа жауабын жеткізеді;
- Төлем сәтті өткізілсе, тапсырыс берушіге хабарланады.
Артықшылықтары:
-төлемді оңай әрі дер кезінде жүзеге асыруға мүмкіндік;
-бұл технология мобильді балансты төлеуде де іске асады;
-үйден отырып төлем жасау клиенттер сұранысын арттырады.
Интернет-эквайрингті қалай қосуға болады?
Алдымен, сізге ыңғайлы эквайринг түрін таңдап алыңыз:
—Банк-эквайері. Барлық үдерістермен банк қызметі айналысады;
-Банк пен тапсырыс беруші тарап арасында келіссөз жүргізетін қызмет көрсету жүйесі. Оның артықшылығы— бірнеше қызмет көрсету орталықтарымен келіссөз жүргізу арқылы жұмыс тиімділігін арттырады.
Эквайер таңдау барысында мынадай критерийлерге назар аударыңыз:
-комиссия жүйесі;
-жүйенің қарапайымдылығы мен түсінікті болуы;
-техникалық қызмет көрсету бөлімі. Критерийлерге қарай отыра сізге тиімді жүйені таңдағасын, сол эквайер бөліміне хабарласыңыз. Тиісінше, банк жүйесінен тіркеуден өтесіз.
Интернет эквайрингтің әдеттегі төлемнен артықшылығы:
-төлемді 24/7 жасау мүмкіндігі бар (демалыс күндері немесе түнгі уақытта). Бұл сіздің нарықтағы дүкендерден басты артықшылығыңыз болмақ;
-тұтыншуы дүкеннің қызмет көрсеткені үшін артық комиссия төлемейді. Ал, дүкен, өз кезегінде қызмет көрсету сервисіне шығындалмайды;
-жаңа тауар келген бойда тауарлар тізіміне енгізе аласыз. Бұл сатылымның артуына өз септігін тигізеді.
Дайындаған: Айдана Алмаханова
